'యానిమల్' డేట్‌ను టార్గెట్ చేసిన ప్రభాస్!

పాన్ ఇండియా స్టార్ ప్రభాస్ వరుస ప్రాజెక్టులతో బిజీగా ఉండటంతో ఆయన సినిమా షెడ్యూల్స్‌లో మార్పులు చోటుచేసుకుంటున్నాయి. దర్శకుడు సందీప్ రెడ్డి వంగా తెరకెక్కిస్తున్న స్పిరిట్ సినిమా షూటింగ్ వాయిదా పడినట్లు సమాచారం. ప్రభాస్ ప్రస్తుతం ఫౌజీతో పాటు కల్కి 2898 AD సీక్వెల్ పనుల్లో బిజీగా ఉన్నారు.

మొదట మార్చి 2027లో విడుదల చేయాలని ప్లాన్ చేసిన ఈ సినిమాను ఇప్పుడు 2027 డిసెంబర్ 1కి మార్చినట్లు టాక్ వినిపిస్తోంది. బాలీవుడ్ నటి తృప్తి డిమ్రి హీరోయిన్‌గా నటిస్తున్న ఈ చిత్రాన్ని టి-సిరీస్, భద్రకాళి పిక్చర్స్ భారీ బడ్జెట్‌తో నిర్మిస్తున్నాయి. ఆలస్యాలు ఉన్నా క్వాలిటీ విషయంలో రాజీ లేకుండా టీమ్ ముందుకు సాగుతోంది.