నాగార్జున 100వ సినిమాకు అదిరిపోయే గ్లింప్స్

అక్కినేని నాగార్జున కెరీర్‌లో ఎంతో ప్రత్యేకమైన 100వ సినిమాపై భారీ అంచనాలు నెలకొన్నాయి. ఆయన పుట్టినరోజు సందర్భంగా ఈ సినిమా నుంచి మేకర్స్ తాజాగా గ్లింప్స్‌ను విడుదల చేశారు. డబ్బున్నవారు, డబ్బులేనివారు అంటూ మనుషుల మధ్య ఉన్న వ్యత్యాసాన్ని చూపిస్తూ ఈ కథ మొదలవుతున్నట్లు గ్లింప్స్‌ ద్వారా తెలుస్తోంది. డబ్బుతో ఆడే ఆట చుట్టూ కథ ఆసక్తికరంగా సాగనున్నట్లు కనిపిస్తోంది.

దర్శకుడు కార్తీక్ ఈ చిత్రాన్ని రొటీన్‌కు భిన్నంగా స్టైలిష్‌గా, రిచ్ విజువల్స్‌తో తెరకెక్కించినట్లు గ్లింప్స్‌ చూస్తే అర్థమవుతోంది. నాగార్జున మరోసారి యంగ్, హ్యాండ్సమ్, స్టైలిష్ లుక్‌లో ఆకట్టుకున్నారు. దేవిశ్రీ ప్రసాద్ అందించిన సంగీతం కూడా గ్లింప్స్‌కు మంచి ఎనర్జీని అందించింది. ఈ సినిమాను డిసెంబర్ 24న థియేటర్లలో విడుదల చేయనున్నట్లు మేకర్స్ ప్రకటించారు.