నిజమైన భావోద్వేగాలతో నిండిన తేజ్ బెస్ట్ పోస్ట్ ఇదే!

సాయి దుర్గ తేజ్ తాజా సోషల్ మీడియా పోస్ట్ ఆయనకి ఇప్పటివరకు వచ్చిన అత్యంత భావోద్వేగ క్షణాలలో ఒకటిగా నిలిచింది. సాధారణ ఫోటోలా కనిపించినా, ఇందులో తల్లి–కొడుకు మధ్యనున్న ప్రేమ, కృతజ్ఞత, పునర్జన్మలాంటి భావాలు దాగి ఉన్నాయి. జీవితంలోని ప్రతి దశలో తనతో నిల్చున్న తల్లికి అంకితం చేసిన అందమైన నివాళి ఇది.

ఈ పోస్ట్‌లో ఉన్న రెండు ఫోటోలు అతని ప్రయాణాన్ని అద్భుతంగా చూపిస్తాయి. మొదటి ఫోటో ఆయన డెబ్యూ చిత్రం పిల్లా నువ్వులేని జీవితం రోజుల జ్ఞాపకాలకు తీసుకెళ్తుంది. ఆ సినిమాలోని నటనకు సాయి దుర్గ తేజ్ సినీ మా అవార్డ్స్‌లో బెస్ట్ డెబ్యూ అవార్డు పొందారు. ఆ అవార్డును ఆయన తరఫున ఆయన తల్లి స్వీకరించిన ఆ ఫోటో అతని నటనా ప్రయాణంలోని మొదటి మైలురాయి. రెండో ఫోటో 2025లో జరిగిన యూజెనిక్స్ ఫిల్మ్‌ఫేర్ గ్లామర్ & స్టైల్ అవార్డ్స్ సౌత్ నుండి. ఇక్కడ కూడా ఆయన తరఫున, మోస్ట్ డిజైరబుల్ స్టార్ (మేల్) అవార్డును ఆయన తల్లే అందుకున్నారు. కానీ ఈ అవార్డు ప్రత్యేకమైన అర్థం కలిగిఉంది  ప్రమాదానికి గురై మరణాన్ని ఎదుర్కొని తిరిగి నిలబడిన తర్వాత వచ్చిన “రెండో జీవితం”కి గుర్తు ఇది.
తన క్యాప్షన్‌లో “నా రెండో జీవితంలో వచ్చిన మొదటి అవార్డు అమ్మ తీసుకుంది” అని, తరువాత “ఏ జన్మలో పుణ్యం చేసుకున్నానో తెలియదు నీకు కొడుకుగా పుట్టాను అమ్మ” అని రాయడం అభిమానులను కడుపునిండా కదిలించింది.

ఎదుగుదలలోనూ, పతనాల తర్వాత పునర్జన్మలోనూ తనతో నడిచిన తల్లి ప్రేమను ఈ రెండు చిత్రాలు అందంగా ఆవిష్కరిస్తాయి. ఈ పోస్ట్‌పై అభిమానులు, సినీ ప్రముఖులు ప్రేమతో స్పందిస్తూ  అతని అత్యంత నిజమైన, భావోద్వేగ షేర్ ఇదేనని అంటున్నారు. ప్రొఫెషనల్ వైపు చూస్తే, 100 కోట్ల బ్లాక్‌బస్టర్ అయిన విరూపాక్ష తర్వాత, 125 కోట్ల భారీ బడ్జెట్‌తో రూపొందుతున్న పాన్ ఇండియా యాక్షన్ డ్రామా SYG: సమబ్రాల యేటి గట్టు కోసం సిద్ధమవుతున్నారు. సాయి దుర్గ తేజ్ ఈ పోస్టు మరోసారి గుర్తు చేసింది ఏంటంటే ప్రతి స్టార్ వెనుక ఒక శక్తివంతమైన తల్లి ఉంటుంది. ప్రేమతో రాసిన కంబ్యాక్ కథలే అత్యంత గొప్పవి.