డేవిడ్‌ రెడ్డి సినిమా క్లైమాక్స్ కోసం కసరత్తులు !

డేవిడ్ రెడ్డి సినిమా క్లైమాక్స్ కోసం చిత్ర బృందం భారీగా కసరత్తులు చేస్తోంది. మంచు మనోజ్ హీరోగా నటిస్తున్న ఈ చిత్రం ఆయన రీ ఎంట్రీలో కీలకంగా నిలవనుంది. హనుమరెడ్డి యక్కంటి దర్శకత్వంలో తెరకెక్కుతున్న ఈ సినిమాలో క్లైమాక్స్ యాక్షన్ సీన్లు ప్రత్యేక ఆకర్షణగా నిలవనున్నాయి. ఇదే సమయంలో పోస్ట్ ప్రొడక్షన్ పనులు కూడా వేగంగా కొనసాగుతున్నాయి.

స్వాతంత్రానికి పూర్వం జరిగిన కథ ఆధారంగా ఈ సినిమా రూపొందుతోంది. బ్రిటిష్ పాలనకు వ్యతిరేకంగా పోరాడిన యోధుడు డేవిడ్ రెడ్డి జీవితం ఈ చిత్రంలో చూపించనున్నారు. ఈ మూవీ కోసం ప్రత్యేకంగా రూపొందించిన 700 కిలోల బరువున్న వార్ డాగ్ బైక్ హైలైట్ కానుంది. రవి బస్రూర్ సంగీతం అందిస్తుండగా, వెంకట్ రెడ్డి, భరత్ మోటుకూరి ఈ సినిమాను భారీ స్థాయిలో నిర్మిస్తున్నారు. ఈ సినిమాపై అభిమానుల్లో భారీ అంచనాలు నెలకొన్నాయి.