‘ధురంధర్‌’ స్థాయి విజయం అందుకుంటుంది అనుకున్నా - గుణశేఖర్

దర్శకుడు గుణశేఖర్ తన తాజా చిత్రం ‘యుఫోరియా', ‘ధురంధర్’ స్థాయి విజయాన్ని అందుకుంటుందని తాను అనుకున్నానని తెలిపారు. ప్రేక్షకులపై ఉన్న నమ్మకంతోనే ఈ సినిమా కమర్షియల్‌గా పెద్ద హిట్ అవుతుందని ఆయన భావించారు. ‘యుఫోరియా’ నేషనల్ సబ్జెక్ట్ కాకుండా, ఇంటర్నేషనల్ ఆడియెన్స్‌కి ఎక్కువగా చేరువైనది. ఈ సినిమాను తెలుగుతో పాటు, తమిళం, హిందీలో కూడా ఈటీవీ విన్‌లో గురువారం నుండి స్ట్రీమింగ్ చేయనున్నట్లు ఆయన వెల్లడించారు.

గుణశేఖర్ బాక్సాఫీస్ ఫలితాలపై కూడా వ్యాఖ్యానిస్తూ, సినిమా టైటిల్ కారణంగా మొదట్లో ప్రేక్షకుల అనుకున్న స్థాయిలో ఆదరణ రాలేదని పేర్కొన్నారు. ఆయన థియేట్రికల్ రిలీజ్‌ తర్వాత కనీసం మూడు నెలల పాటు ఓటీటీలోకి రాకుండా చర్యలు తీసుకోవడం అవసరమని, అలా చేసినప్పుడే కంటెంట్ ఉన్న సినిమాలు ప్రేక్షకులను థియేటర్లకు ఆకర్షిస్తాయని అన్నారు. వెంటనే ఓటీటీలో స్ట్రీమింగ్ చేయడం వల్ల మంచి సినిమాలకు కూడా తగిన ఆదరణ దక్కడం లేదని ఆయన ఆవేదన వ్యక్తం చేశారు.