నితిన్ కొత్త ప్రాజెక్ట్‌కు ఘన ఆరంభం.. యువ దర్శకులకు ఛాన్స్!

నితిన్ హీరోగా రూపొందుతున్న కొత్త సినిమా పూజా కార్యక్రమాలతో అధికారికంగా ప్రారంభమైంది. ఈ చిత్రంతో నారి సిరిసవాడ, సోమశేఖర్ టి దర్శకులుగా పరిచయం అవుతున్నారు. సితార ఎంటర్టైన్మెంట్స్, ఫార్చున్ ఫోర్ సినిమాస్ సంయుక్తంగా నిర్మిస్తున్న ఈ చిత్రాన్ని శ్రీకర స్టూడియోస్ సమర్పిస్తోంది. కొత్త కథాంశంతో పాటు సాంకేతికంగా ఉన్నత ప్రమాణాలతో సినిమాను తెరకెక్కించేందుకు మేకర్స్ సిద్ధమవుతున్నారు.

ఈ చిత్రంలో హీరోయిన్‌గా రితికా నాయక్ నటిస్తోంది. సంగీత బాధ్యతలను సురేష్ బొబ్బిలి నిర్వహిస్తుండగా, సినిమాటోగ్రఫీని అనిత్ మదాడి చేపట్టారు. ఆర్ట్ డైరెక్షన్‌ను జానీ షేక్ చూసుకుంటున్నారు. ఈ నెల రెండో వారం నుంచి రెగ్యులర్ షూటింగ్ ప్రారంభం కానుండగా, ప్రస్తుతం ప్రీ ప్రొడక్షన్ పనులు వేగంగా సాగుతున్నాయి. ఇప్పటికే విడుదలైన పూజా కార్యక్రమాల ఫోటోలు, పోస్టర్లు సోషల్ మీడియాలో వైరల్ అవుతూ సినిమాపై అంచనాలు పెంచుతున్నాయి.