నాని ఫ్యాన్స్‌కు గుడ్ న్యూస్.. టీజర్ రిలీజ్ డేట్ అవుట్

హీరో నాని నటిస్తున్న తాజా చిత్రం ‘ది ప్యారడైజ్’పై సినీ వర్గాల్లో ఆసక్తి పెరుగుతోంది. సాధారణంగా ఏడాదికి రెండు మూడు సినిమాలు చేసే నాని, ఈ ప్రాజెక్ట్‌పై ప్రత్యేక దృష్టి సారించడంతో ఇతర చిత్రాలకు దూరంగా ఉన్నారు. మొదట ఈ ఏడాది మార్చిలో విడుదల కావాల్సిన ఈ సినిమా, షూటింగ్ ఆలస్యం కారణంగా ఆగస్టుకు వాయిదా పడింది. అయితే ఈసారి కూడా విడుదల తేదీ మారే అవకాశాలపై రూమర్స్ వినిపిస్తున్నాయి.

ఇలాంటి పరిస్థితుల్లో మూవీ టీమ్ టీజర్ విడుదల తేదీని ప్రకటించింది. ఆగస్టు 6న 1 నిమిషం 35 సెకన్ల టీజర్‌ను విడుదల చేయనున్నట్లు తెలిపింది. మాస్ యాక్షన్ ఎంటర్‌టైనర్‌గా తెరకెక్కిన ఈ చిత్రంలో నాని, కాయదు లోహర్ జంటగా నటిస్తున్నారు. మోహన్ బాబు, రాఘవ్ జుయోల్, సంపూర్ణేశ్ బాబు కీలక పాత్రల్లో కనిపించనున్నారు. శ్రీకాంత్ ఓదెల దర్శకత్వం వహించిన ఈ చిత్రానికి అనిరుధ్ సంగీతం అందించారు. ఇప్పటికే విడుదలైన ‘ఆయా షేర్’ పాట 200 మిలియన్లకు పైగా వ్యూస్ సాధించింది.