తొమ్మిది నెలల ప్రెగ్నెన్సీ జర్నీని పంచుకున్న సమంత.. వర్కవుట్స్ వీడియో వైరల్‌

టాలీవుడ్‌ నటి సమంత ప్రస్తుతం గర్భంతో ఉన్న విషయం తెలిసిందే. గతేడాది దర్శకుడు రాజ్‌ నిడిమోరును వివాహం చేసుకున్న ఆమె, ఇటీవల తాను ప్రెగ్నెన్సీతో ఉన్నట్లు ప్రకటించి అభిమానులకు సర్‌ప్రైజ్‌ ఇచ్చినట్లు కథనాలు వెలువడ్డాయి. ఈ ఏడాది ‘మా ఇంటి బంగారం’ సినిమాతో ప్రేక్షకుల ముందుకు వచ్చిన సమంత తాజాగా తన ప్రెగ్నెన్సీ జర్నీకి సంబంధించిన ఓ వీడియోను షేర్‌ చేశారు. గర్భం దాల్చిన మొదటి నెల నుంచి తొమ్మిదో నెల వరకు జిమ్‌లో చేసిన వర్కవుట్స్‌ను ఈ వీడియోలో చూపించారు.

ప్రెగ్నెన్సీ సమయంలోనూ తన ఫిట్‌నెస్‌పై ఆమె ప్రత్యేక శ్రద్ధ తీసుకున్నట్లు ఈ వీడియో ద్వారా తెలుస్తోంది. దీనికి ‘#9 The Final Lap’ అనే క్యాప్షన్‌ను జోడించారు. ప్రస్తుతం ఈ వీడియో అభిమానుల దృష్టిని ఆకర్షిస్తోంది. సమంత ఫిట్‌నెస్‌ పట్ల చూపిన ఆసక్తిని ప్రశంసిస్తూ పలువురు కామెంట్లు చేస్తున్నారు.