గ్లామర్ నుంచి గ్రామీణం వైపు… హీరోయిన్ల కొత్త ప్రయాణం ?

తెలుగు సినిమాల్లో ఇప్పుడు హీరోయిన్ల పాత్రల్లో కొత్త మార్పు కనిపిస్తోంది. గ్లామర్ పాత్రలకు మాత్రమే పరిమితం కాకుండా సహజత్వానికి దగ్గరగా ఉండే పాత్రలను నటీమణులు ఎంచుకుంటున్నారు. అనుపమ పరమేశ్వరన్ ‘భోగి’ సినిమాలో పూర్తిగా గ్రామీణ యువతిగా కనిపించనుండగా, ఐశ్వర్య లక్ష్మి ‘సంబరాల ఏటిగట్టు’లో పల్లెటూరి అమ్మాయి పాత్రలో నటిస్తోంది. అలాగే భాగ్యశ్రీ బోర్సే ‘లెనిన్’లో గ్రామీణ యువతిగా కనిపించనుండగా, జాన్వి కపూర్ ‘పెద్ది’ సినిమాలో పల్లెటూరి అమ్మాయి పాత్రలో నటిస్తోంది.

ఇప్పుడు నటీమణులు కేవలం అందంతో కాకుండా నటనతో గుర్తింపు పొందాలని భావిస్తున్నారు. అందుకే భావోద్వేగాలకు ప్రాధాన్యం ఉన్న బలమైన పాత్రలను ఎంచుకుంటున్నారు. ఈ మార్పు తెలుగు సినిమాలకు మంచి సంకేతంగా సినీ విశ్లేషకులు చెబుతున్నారు. కథలకు ప్రాధాన్యం పెరగడంతో నటీమణులకు మరింత గుర్తింపు, అవార్డులు వచ్చే అవకాశాలు ఉన్నాయని అభిప్రాయపడుతున్నారు.