ధనుష్ ‘కర’ కు ఎపిక్ డిజాస్టర్ రెస్పాన్స్ ?

తమిళ స్టార్ హీరో ధనుష్ నటించిన ‘కర’ సినిమా బాక్సాఫీస్ వద్ద ఆశించిన స్థాయిలో రాణించలేకపోతోంది. విడుదలకు ముందు సరైన స్థాయిలో ప్రచారం లేకపోవడం ఈ చిత్రానికి పెద్ద మైనస్‌గా మారింది. ముఖ్యంగా తెలుగు రాష్ట్రాల్లో ప్రేక్షకుల నుంచి స్పందన తక్కువగా రావడంతో కలెక్షన్లపై ప్రభావం పడింది. తమిళనాడులో కూడా ఈ సినిమా ఆశించిన స్థాయిలో ఆకట్టుకోలేకపోతున్నట్లు ట్రేడ్ వర్గాలు చెబుతున్నాయి.

రైతుల సమస్యల నేపథ్యంతో తెరకెక్కిన ఈ చిత్రంలో మంచి అంశం ఉన్నప్పటికీ కథనం, నెమ్మదిగా సాగే స్క్రీన్‌ప్లే ప్రేక్షకులను మెప్పించలేకపోయాయి. హీరోయిన్ పాత్రకు సరైన ప్రాధాన్యం లేకపోవడం, ప్రమోషన్లు బలహీనంగా ఉండటం కూడా సినిమాపై ప్రభావం చూపినట్లు తెలుస్తోంది. ప్రస్తుతం ఈ చిత్రాన్ని ధనుష్ కెరీర్‌లో నిరాశ కలిగించిన సినిమాల్లో ఒకటిగా విశ్లేషిస్తున్నారు.