

అక్కినేని కుటుంబంలో వరుస విజయాలతో సందడి నెలకొంది. కొంతకాలంగా సరైన హిట్ కోసం ఎదురుచూస్తున్న నాగ చైతన్య, అఖిల్ ఇటీవల తమ సినిమాలతో విజయాలు అందుకోవడంతో అభిమానుల్లో ఉత్సాహం పెరిగింది. ‘తండేల్’తో నాగ చైతన్య మంచి విజయాన్ని సాధించగా.. ‘లెనిన్’తో అఖిల్ కూడా విజయాన్ని అందుకున్నారు. ఈ నేపథ్యంలో అక్కినేని హీరోలపై అంచనాలు మరింత పెరిగాయి. ఇప్పుడు నాగ చైతన్య, అక్కినేని నాగార్జున తమ కొత్త సినిమాలతో ప్రేక్షకుల ముందుకు వచ్చేందుకు సిద్ధమవుతున్నారు. కేవలం 20 రోజుల వ్యవధిలోనే తండ్రీకొడుకుల చిత్రాలు థియేటర్లలో విడుదల కానుండటం విశేషం.
నాగ చైతన్య నటిస్తున్న ‘వృషకర్మ’ డిసెంబర్ 4న విడుదల కానుంది. ‘విరూపాక్ష’ ఫేమ్ కార్తీక్ వర్మ దండు దర్శకత్వం వహిస్తున్న ఈ చిత్రం మైథలాజికల్ ఫాంటసీ, అడ్వెంచర్ థ్రిల్లర్గా తెరకెక్కుతోంది. మరోవైపు నాగార్జున తన మైలురాయి చిత్రం ‘కింగ్ 100’తో డిసెంబర్ 24న ప్రేక్షకుల ముందుకు రానున్నారు. తమిళ దర్శకుడు రా కార్తీక్ తెరకెక్కిస్తున్న ఈ సినిమా పొలిటికల్ డ్రామాగా రూపొందుతోంది. ఇప్పటికే నాగ చైతన్య, అఖిల్ తమ చిత్రాలతో రూ.100 కోట్ల వసూళ్ల మార్కును అందుకోగా.. నాగార్జున కూడా ఈ సినిమాతో ఆ ఘనత సాధించాలని భావిస్తున్నారు. తండ్రీకొడుకుల చిత్రాలు వరుసగా విడుదల కానుండటంతో అక్కినేని అభిమానుల్లో భారీ అంచనాలు నెలకొన్నాయి.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!