‘డాన్ 3’లో మళ్లీ షారుక్ ఖాన్ ఎంట్రీపై హాట్ టాక్

బాలీవుడ్‌లో ఎంతో ఆసక్తిగా ఎదురుచూస్తోన్న డాన్ 3 మరోసారి వార్తల్లో నిలిచింది. ఈ ఫ్రాంచైజీలో మళ్లీ షారుక్ ఖాన్ తిరిగి రావాలనే అభిమానుల డిమాండ్ పెరుగుతోంది. గతంలో ఆయన ఈ ప్రాజెక్ట్‌ను తిరస్కరించినప్పటికీ, తాజాగా రణ్‌వీర్ సింగ్ వైదొలగడంతో మేకర్స్ మళ్లీ చర్చలు ప్రారంభించినట్లు సమాచారం.

షారుక్ ఖాన్ ఈసారి ఒక కండిషన్ పెట్టినట్లు ఇండస్ట్రీలో చర్చ నడుస్తోంది. ‘జవాన్’ సినిమాతో హిట్ ఇచ్చిన దర్శకుడు అట్లీ కుమార్ ఈ ప్రాజెక్ట్‌లోకి వస్తేనే తాను నటిస్తానని చెప్పినట్లు టాక్. అలాగే హీరోయిన్‌గా కియారా అద్వానీ లేదా కృతి సనన్ పేర్లు వినిపిస్తుండగా, విలన్ పాత్ర కోసం విక్రాంత్ మాస్సే, విజయ్ దేవరకొండలను సంప్రదించినట్లు ప్రచారం జరుగుతోంది.