అంచనాలు పెంచేసిన ‘భరతవర్ష’ గ్లింప్స్.. గోపీచంద్ ఈసారి హిట్ కొట్టేస్తాడా ?

గోపీచంద్ నటిస్తున్న 33 వ చిత్రం భరతవర్ష గ్లింప్స్ సోషల్ మీడియాలో భారీ హైప్ సృష్టిస్తోంది. సంకల్ప్ రెడ్డి దర్శకత్వంలో, శ్రీనివాస్ సిల్వర్ స్క్రీన్ బ్యానర్‌పై రూపొందుతున్న ఈ హిస్టారికల్ డ్రామా క్రీస్తుశకం 642 లో శూల ప్రాంతం నేపథ్యంలో సాగుతుంది. ఈ చిత్రంలో గోపీచంద్ పవర్‌ఫుల్ యోధుడిగా సరికొత్త గెటప్‌లో కనిపిస్తూ అభిమానులను ఆకట్టుకుంటున్నారు.

భారీ యుద్ధ సన్నివేశాలు, అద్భుత విజువల్స్ ప్రాచీన భారత వైభవాన్ని కళ్లకు కట్టేలా ఉన్నాయి. సినిమాటోగ్రఫీ, ప్రొడక్షన్ డిజైన్, బ్యాక్‌గ్రౌండ్ స్కోర్ ఈ గ్లింప్స్‌ను మరో లెవెల్‌కు తీసుకెళ్లాయి. రీతూ వర్మ హీరోయిన్‌గా నటిస్తుండగా, ఈ సినిమాతో గోపీచంద్‌కు మంచి హిట్ దక్కే అవకాశం ఉందని టాక్ వినిపిస్తోంది.