‘అవెంజర్స్: డూమ్స్‌డే’ ట్రైలర్‌తో ఫ్యాన్స్‌లో జోష్

మార్వెల్ సినిమాటిక్ యూనివర్స్‌ నుంచి ఎంతో ఆసక్తిగా ఎదురుచూస్తున్న ‘అవెంజర్స్: డూమ్స్‌డే’ తాజా ట్రైలర్‌ను మేకర్స్ విడుదల చేశారు. ట్రైలర్‌ ప్రస్తుతం మార్వెల్ అభిమానులను ఆకట్టుకుంటూ సోషల్ మీడియాలో వైరల్‌గా మారింది. ఐరన్ మ్యాన్‌గా ప్రపంచవ్యాప్తంగా గుర్తింపు పొందిన రాబర్ట్ డౌనీ జూనియర్ ఈసారి హీరోగా కాకుండా భయంకరమైన విలన్ డాక్టర్ డూమ్ పాత్రలో కనిపించనున్నారు. ఆయన గ్రీన్ హుడ్, మెటల్ మాస్క్ లుక్ సినిమాపై అంచనాలను మరింత పెంచింది.

ట్రైలర్‌లో థోర్, కెప్టెన్ అమెరికా, బ్లాక్ పాంథర్, వింటర్ సోల్జర్, లోకీ, యాంట్ మ్యాన్‌తో పాటు మిస్టర్ ఫెంటాస్టిక్, ఇన్విజిబుల్ ఉమెన్ వంటి కీలక పాత్రలు కనిపించాయి. థోర్, డాక్టర్ డూమ్ మధ్య పోరాటం ట్రైలర్‌లో ప్రత్యేక ఆకర్షణగా నిలిచింది. ఎక్స్ మెన్‌కు చెందిన సెంటినెల్స్ కనిపించడం కూడా ఆసక్తిని పెంచింది. భారీ అంచనాల మధ్య ఈ చిత్రం డిసెంబర్ 18న ప్రేక్షకుల ముందుకు రానుంది.