కూతురి పేరును ప్రకటించిన అట్లీ దంపతులు!

తమిళ స్టార్ దర్శకుడు అట్లీ, ఆయన భార్య ప్రియ అట్లీ ఇటీవల రెండోసారి తల్లిదండ్రులైన సంగతి తెలిసిందే. ఈ ఏడాది ప్రారంభంలోనే ప్రియ గర్భవతి అని ప్రకటించిన అట్లీ.. ఏప్రిల్ 20న తమ ఇంటికి పాప పుట్టిందని అభిమానులతో పంచుకున్నారు. తాజాగా తమ కుమార్తె పేరును కూడా వెల్లడించారు.

తమ కుమారుడు మీర్‌, ప్రియ పేర్లలోని అక్షరాలు కలిసి వచ్చేలా పాపకు “మియూ” (MIYOU) అని నామకరణం చేసినట్లు అట్లీ తెలిపారు. ఈ పేరు ప్రేమ, అందానికి ప్రతీకగా నిలుస్తుందని చెప్పారు. అలాగే “మీ అండ్ యూ” అనే అర్థం వచ్చేలా ఈ పేరును ఎంపిక చేసినట్లు తెలుస్తోంది. అభిమానులు, సినీ ప్రముఖులు ఈ జంటకు శుభాకాంక్షలు తెలుపుతూ పాప పేరు చాలా బాగుందని కామెంట్లు చేస్తున్నారు. ప్రస్తుతం అట్లీ అల్లు అర్జున్ హీరోగా ఓ భారీ బడ్జెట్ చిత్రాన్ని తెరకెక్కిస్తున్నారు.