ముంబై లో లగ్జరీ ప్లాట్ కొన్న రాకా డైరెక్టర్

'జవాన్' చిత్రంతో బాలీవుడ్‌లో ఘన విజయాన్ని అందుకున్న ప్రముఖ దర్శకుడు అట్లీ, ముంబైలో మరో కీలక అడుగు వేసినట్లు సినీ వర్గాల్లో వార్తలు వినిపిస్తున్నాయి. బాంద్రా ప్రాంతంలో రూ.38 కోట్ల విలువైన సీ-ఫేసింగ్ లగ్జరీ అపార్ట్‌మెంట్‌ను ఆయన కొనుగోలు చేసినట్లు సమాచారం. అత్యాధునిక సౌకర్యాలు, సముద్ర వీక్షణతో కూడిన ఈ విలాసవంతమైన నివాసం అల్లు అర్జున్ ముంబై ఆఫీస్‌కు సమీపంలో ఉన్నట్లు తెలుస్తోంది.

ప్రస్తుతం అట్లీ, ఐకాన్ స్టార్ అల్లు అర్జున్తో కలిసి పాన్ ఇండియా చిత్రం 'రాకా'ను తెరకెక్కిస్తున్నారు. 'జవాన్' విజయంతో దేశవ్యాప్తంగా తన మార్కెట్‌ను మరింత విస్తరించుకున్న అట్లీ, ఇప్పుడు అత్యంత డిమాండ్ ఉన్న దర్శకుల్లో ఒకరిగా కొనసాగుతున్నారు. ఈ లగ్జరీ అపార్ట్‌మెంట్ కొనుగోలు వార్త ఆయన పెరుగుతున్న బ్రాండ్ విలువకు నిదర్శనంగా భావిస్తున్నారు. అయితే, ఈ కొనుగోలుపై అధికారిక ప్రకటన ఇంకా వెలువడాల్సి ఉంది.