ఆసక్తికర ప్రాజెక్ట్స్‌తో బిజీగా ఉన్న ఆనంద్ దేవరకొండ!

యంగ్ హీరో ఆనంద్ దేవరకొండ మంచి కంటెంట్ ఉన్న చిత్రాలను ఎంచుకుంటూ టాలీవుడ్‌లో తనకంటూ ప్రత్యేక గుర్తింపును సంపాదించుకున్నారు. తనదైన తరహా కథలను ఎంచుకునే ఆయనకు యువతలో ప్రత్యేకమైన ఫ్యాన్ బేస్ ఉంది. ఈ రోజు ఆనంద్ దేవరకొండ తన పుట్టినరోజు జరుపుకుంటుండగా అభిమానులు, సినీ ప్రియులు శుభాకాంక్షలు తెలుపుతున్నారు. దొరసాని, మిడిల్ క్లాస్ మెలొడీస్ వంటి సినిమాలు ఆయన స్క్రిప్ట్ సెలెక్షన్‌కు మంచి ఉదాహరణలుగా నిలిచాయి. ఇక బేబీ సినిమా ఆనంద్ కెరీర్‌లో మైలురాయి లాంటి విజయాన్ని అందించింది. ఈ చిత్రం వంద కోట్ల గ్రాసర్‌గా నిలిచి కల్ట్ బ్లాక్‌బస్టర్‌గా గుర్తింపు పొందింది.

వేగంగా సినిమాలు చేయడం కంటే మంచి క్వాలిటీ ఉన్న కథలను ఎంచుకోవడానికే ఆనంద్ ప్రాధాన్యత ఇస్తారు. అందుకే ఆయన చేసే ప్రతి సినిమాలో కొత్తదనం, బలమైన కథ కనిపిస్తుంది. ప్రస్తుతం ఆనంద్ పలు ఆసక్తికరమైన ప్రాజెక్ట్స్‌తో బిజీగా ఉన్నారు. వాటిలో రొమాంటిక్ ఎంటర్‌టైనర్ “డ్యూయెట్,” సితార ఎంటర్‌టైన్‌మెంట్స్ బ్యానర్‌లో రూపొందుతున్న “ఎపిక్,” అలాగే నెట్‌ఫ్లిక్స్ కోసం తెరకెక్కుతున్న “తక్షకుడు” సినిమాలు ఉన్నాయి. ఇప్పటికే ఎపిక్ సినిమా ప్రమోషనల్ కంటెంట్‌తో ప్రేక్షకుల్లో మంచి ఆసక్తి రేకెత్తించింది. భవిష్యత్తులో కూడా ఆనంద్ ఇలాగే మంచి ప్రాజెక్ట్స్ చేస్తూ ముందుకు సాగాలని అభిమానులు కోరుకుంటున్నారు.