సుడిగాడు సీక్వెల్‌పై అల్లరి నరేష్ ఆసక్తికర వ్యాఖ్యలు

అల్లరి నరేష్ నటించిన సస్పెన్స్ థ్రిల్లర్ ‘12A రైల్వే కాలనీ’ త్వరలో ప్రేక్షకుల ముందుకు రాబోతోంది. నాని కసరగడ్డ దర్శకత్వంలో రూపొందిన ఈ చిత్రంలో కమాక్షీ భాస్కర్ల హీరోయిన్‌గా కనిపిస్తున్నారు. విడుదలకు ముందు జరిగిన ప్రమోషన్స్‌లో భాగంగా, నరేష్ మీమర్స్‌తో మాట్లాడుతూ పలు ఆసక్తికర అంశాలను పంచుకున్నారు.

ఈ సందర్భంగా ఆయన తన కెరీర్‌లో బ్లాక్‌బస్టర్ హిట్‌గా నిలిచిన ‘సుడిగాడు’ చిత్ర సీక్వెల్ గురించి మాట్లాడారు. ‘సుడిగాడు 2’ ప్రస్తుతం రైటింగ్ స్టేజ్‌లో ఉందని, తొలి భాగంలో 100 సినిమాలను ప్యారడీ చేసినట్లు, ఈసారి ఆ సంఖ్య మరింత డబుల్ కానుందని తెలిపారు. పాన్-ఇండియా సినిమాలపై స్పూఫ్స్ ఉండబోతున్నట్లు నరేష్ పేర్కొన్నారు.

సీక్వెల్‌లో ‘యానిమల్’, ‘పుష్ప 2’ వంటి పాన్-ఇండియా చిత్రాలపై కూడా స్పూఫ్స్ జోడించే ఆలోచనలో ఉన్నట్లు చెప్పారు. స్క్రిప్ట్ ఇంకా డెవలప్ అవుతుండడంతో కొంత సమయం పడుతుందని, ‘సుడిగాడు 2’ షూటింగ్ 2027లో ప్రారంభమయ్యే అవకాశం ఉందని నరేష్ వెల్లడించారు.