టాప్ దర్శకులతో చర్చల్లో అహాన్ పాండే

‘సయ్యారా’ చిత్రంతో ప్రేక్షకుల దృష్టిని ఆకర్షించిన యువ నటుడు అహాన్ పాండే ప్రస్తుతం పలు ఆసక్తికరమైన ప్రాజెక్టుల కోసం చర్చల్లో ఉన్నట్లు సినీ వర్గాల్లో వార్తలు వినిపిస్తున్నాయి. ఇండస్ట్రీ సమాచారం ప్రకారం అహాన్ ప్రముఖ దర్శకులు ఆనంద్ ఎల్ రాయ్, రాకేష్ ఓంప్రకాశ్ మెహ్రాలతో కొత్త సినిమాలపై చర్చలు జరుపుతున్నట్లు తెలుస్తోంది. ఈ చర్చలు ఇంకా ప్రారంభ దశలోనే ఉన్నాయని, ప్రాజెక్టులపై తుది నిర్ణయం ఇంకా తీసుకోలేదని సమాచారం.

అయితే కంటెంట్ ఆధారిత సినిమాలకు ప్రసిద్ధి చెందిన ఈ ఇద్దరు దర్శకులతో అహాన్ కలిసి పనిచేసే అవకాశంపై సినీ వర్గాల్లో ఆసక్తి నెలకొంది. ఆనంద్ ఎల్ రాయ్, రాకేష్ ఓంప్రకాశ్ మెహ్రా వంటి ప్రతిభావంతులైన దర్శకులతో సినిమాలు చేస్తే అహాన్ పాండే కెరీర్‌కు కొత్త ఊపిరి లభించే అవకాశముందని భావిస్తున్నారు. ఈ ప్రాజెక్టులు కుదిరితే బాలీవుడ్‌లో ఎదుగుతున్న యువ నటుల్లో అహాన్ స్థానం మరింత బలపడే అవకాశం ఉంది.