డిన్నర్‌లో ఈ తప్పులు చేస్తే షుగర్, బీపీ వస్తుందంటున్న డాక్టర్లు

అల్పాహారం ఎంత ముఖ్యమో, రాత్రి భోజనం కూడా అంతే కీలకమని డాక్టర్లు మరియు పోషకాహార నిపుణులు చెబుతున్నారు. వైద్యుల హెచ్చరికల ప్రకారం, డిన్నర్‌లో మూడు పెద్ద తప్పులు చేస్తే షుగర్, బీపీ, కొలెస్ట్రాల్, గుండె జబ్బుల ప్రమాదం తప్పనిసరిగా పెరుగుతుంది. రాత్రిపూట ఎక్కువ మసాలాలు ఉన్న ఆహారాలు, బిర్యానీ వంటి హెవీ ఫుడ్స్ తినడం, భోజనం చాలా ఆలస్యంగా చేయడం, తిన్న వెంటనే మొబైల్ చూస్తూ నిద్రపోవడం ఇవే ప్రధాన తప్పులని డాక్టర్లు అంటున్నారు. రాత్రి భోజనం, నిద్ర మధ్య కనీసం మూడు గంటల గ్యాప్ ఉండాలని వైద్యులు సూచిస్తున్నారు.

డాక్టర్ల ప్రకారం, ఈ అలవాట్ల వల్ల చెడు కొలెస్ట్రాల్ పెరగడం, జీర్ణ సమస్యలు, గ్యాస్, ఎసిడిటీ, మధుమేహం, రక్తపోటు మరియు గుండెపోటు ప్రమాదం పెరుగుతాయి. రాత్రి ఆలస్యంగా అధిక కొవ్వు, కార్బోహైడ్రేట్లు ఉన్న ఆహారం తినడం వల్ల శరీర సిర్కాడియన్ రిథమ్ దెబ్బతిని, బరువు పెరగడం మరియు తీవ్రమైన ఊబకాయం వచ్చే అవకాశం ఉంటుంది. అందుకే తేలికపాటి ఆహారం, సమయానికి డిన్నర్, సరైన నిద్ర అలవాట్లు తప్పనిసరిగా పాటించాలని డాక్టర్లు సూచిస్తున్నారు. 

గమనిక : మేము అందించిన సమాచారం కేవలం అవగాహన కోసం మాత్రమే. దీనికి మేము ఎటువంటి బాధ్యత వహించము. ఏదైనా ఆరోగ్య సమస్య ఉంటే తప్పనిసరిగా వైద్యుడిని, న్యూట్రిషనిస్ట్‌ను సంప్రదించి వారి సలహా మేరకు అనుసరించండి.