

టాలీవుడ్ దివంగత నటుడు శ్రీహరి కుటుంబంలో త్వరలో శుభకార్యం జరగనున్నట్లు తెలుస్తోంది. ఆయన పెద్ద కుమారుడు శశాంక్ శ్రీహరి త్వరలో వివాహ బంధంలోకి అడుగుపెట్టనున్నారు. సంజనా అనే యువతిని ఆయన పెళ్లి చేసుకోబోతున్నట్లు సమాచారం. ఈ జంట నిశ్చితార్థ వేడుక ఈ నెల 20న జరగనున్నట్లు వార్తలు వినిపిస్తున్నాయి. అయితే దీనిపై శ్రీహరి కుటుంబం నుంచి ఇప్పటివరకు అధికారిక ప్రకటన వెలువడలేదు. కాబోయే వధువుకు సంబంధించిన మరిన్ని వివరాలు కూడా తెలియాల్సి ఉంది.
తెలుగు చిత్ర పరిశ్రమలో హీరోగా, విలన్గా ప్రత్యేక గుర్తింపు తెచ్చుకున్న శ్రీహరి ఎన్నో చిత్రాల్లో తన నటనతో ప్రేక్షకులను ఆకట్టుకున్నారు. ముఖ్యంగా ‘మగధీర’ సినిమాలో షేర్ ఖాన్ పాత్ర ఆయనకు మంచి గుర్తింపు తెచ్చిపెట్టింది. దాదాపు వందలాది చిత్రాల్లో నటించిన ఆయన 2013లో కన్నుమూశారు. నటి డిస్కో శాంతిని వివాహం చేసుకున్న శ్రీహరికి ముగ్గురు సంతానం. ప్రస్తుతం పెద్ద కుమారుడు శశాంక్ వివాహానికి సిద్ధమవుతున్నారన్న వార్త టాలీవుడ్ వర్గాల్లో ఆసక్తి రేకెత్తిస్తోంది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!