చిరంజీవి సరసన స్నేహ?

మెగాస్టార్ చిరంజీవి హీరోగా దర్శకుడు కొల్లి బాబీ తెరకెక్కిస్తున్న భారీ చిత్రం ‘కాకా’ శరవేగంగా షూటింగ్ జరుపుకుంటోంది. ఈ సినిమాలో యంగ్ హీరోయిన్ అనస్వర మెగాస్టార్ కూతురి పాత్రలో నటిస్తున్న విషయం తెలిసిందే. అయితే చిరంజీవి సరసన హీరోయిన్‌గా ఎవరు కనిపించనున్నారనే దానిపై ఇప్పటివరకు అధికారిక స్పష్టత రాలేదు. తాజాగా ఈ పాత్రకు సంబంధించి ఓ ఆసక్తికరమైన వార్త సినీ వర్గాల్లో చక్కర్లు కొడుతోంది.

ప్రముఖ సీనియర్ నటి స్నేహ ఈ సినిమాలో చిరంజీవి సరసన కనిపించనున్నారనే ప్రచారం జరుగుతోంది. గతంలో స్నేహ మెగాస్టార్ వారసుడు రామ్ చరణ్‌తో కలిసి ‘వినయ విధేయ రామ’ చిత్రంలో నటించారు. ఇప్పుడు చిరంజీవితోనూ జోడీ కట్టనున్నారనే వార్త ఆసక్తిని పెంచుతోంది. అయితే స్నేహ పాత్రపై చిత్రబృందం నుంచి అధికారిక ప్రకటన రావాల్సి ఉంది. థమన్ ఎస్ సంగీతం అందిస్తున్న ఈ చిత్రాన్ని కేవీఎన్ సంస్థ నిర్మిస్తోంది.