వెంకటేష్ – అనిల్ రావిపూడి సినిమా టైటిల్ ఇదేనా?

టాలీవుడ్‌లో మరోసారి క్రేజీ కాంబినేషన్ రాబోతోంది. అనిల్ రావిపూడి దర్శకత్వంలో వెంకటేష్ హీరోగా కొత్త సినిమా రూపొందనుంది. గతంలో వీరి కలయికలో వచ్చిన F2, F3, సంక్రాంతికి వస్తున్నాం సినిమాలు మంచి విజయాలు సాధించాయి. అందుకే ఈ కొత్త ప్రాజెక్ట్‌పై భారీ అంచనాలు ఉన్నాయి. సోషల్ మీడియాలో ఈ సినిమాపై పలు ఊహాగానాలు వినిపిస్తున్నాయి. ముఖ్యంగా ఇద్దరు హీరోయిన్లతో వెంకటేష్ రొమాన్స్ చేయనున్నారనే వార్తలు ఆసక్తిని పెంచాయి. అలాగే ఈ సినిమాకు “బామ్మార్ధి బాలిరెడ్డి” అనే టైటిల్ ఫిక్స్ అయిందని టాలీవుడ్ వర్గాల్లో టాక్ వినిపిస్తోంది.

ఈ సినిమాలో వెంకటేష్ సరసన కీర్తి సురేష్ మరియు పూజా హెగ్డే నటించనున్నారని సమాచారం. ఇద్దరు హీరోయిన్లతో కలిసి వెంకటేష్ చేసే కామెడీ, అనిల్ రావిపూడి స్టైల్ వినోదం ప్రేక్షకులను ఆకట్టుకుంటుందని భావిస్తున్నారు. మరో ప్రత్యేక ఆకర్షణగా మలయాళ నటుడు ఫహద్ ఫాసిల్ కీలక పాత్రలో కనిపించనున్నారట. ఆయన సరసన ఆషిక రంగనాథ్ నటించనున్నారని టాక్. ఈ ప్రధాన పాత్రల మధ్య నడిచే కథ, వినోదం సినిమాకు ప్రత్యేక ఆకర్షణ అవుతుందని చెబుతున్నారు.

సంగీతాన్ని భీమ్స్ సిసిరోలియో అందిస్తున్నారు. షైన్ స్క్రీన్స్ మరియు సురేష్ ప్రొడక్షన్స్ కలిసి ఈ చిత్రాన్ని నిర్మించనున్నాయి. ప్రస్తుతం సినిమా ప్రీ-ప్రొడక్షన్ దశలో ఉంది. షూటింగ్‌ను ఈ  ఏడాది (2026) జూలై లో ప్రారంభించి, వచ్చే ఏడాది (2027) సంక్రాంతి సందర్భంగా విడుదల చేయాలని ప్లాన్ చేస్తున్నట్లు సమాచారం.