‘పెద్ది’లో హనుమంతుడి ఎలివేషన్ సీన్ హైలైట్?

మెగా పవర్ స్టార్‌ రామ్‌ చరణ్‌ హీరోగా దర్శకుడు బుచ్చిబాబు సానా తెరకెక్కిస్తున్న ‘పెద్ది’ సినిమాపై అభిమానుల్లో భారీ అంచనాలు నెలకొన్నాయి. ఇప్పటికే విడుదలైన ప్రచార చిత్రాలు ప్రేక్షకుల్లో ఆసక్తి పెంచగా, తాజాగా సినిమాకు సంబంధించిన మరో వార్త సామాజిక మాధ్యమాల్లో వైరల్‌గా మారింది. చిత్ర ఛాయాగ్రాహకుడు రత్నవేలు చెప్పిన వ్యాఖ్యలు అభిమానుల్లో కొత్త ఉత్సాహాన్ని నింపుతున్నాయి.

సినిమాలో హనుమంతుడి ప్రస్తావనతో వచ్చే ప్రత్యేక సన్నివేశం ప్రేక్షకులకు గూస్‌బంప్స్ తెప్పించేలా ఉంటుందని సమాచారం. ముఖ్యంగా ఆ సన్నివేశంలో రామ్‌ చరణ్‌ ఎలివేషన్‌ దృశ్యాలు థియేటర్లలో అభిమానులతో విజిల్స్ వేయించే స్థాయిలో ఉంటాయని సినీ వర్గాలు చెబుతున్నాయి. భావోద్వేగం, భక్తి, మాస్ అంశాల కలయికగా రూపొందిన ఈ సన్నివేశం సినిమాకు ప్రధాన ఆకర్షణగా నిలవనుందని ప్రచారం జరుగుతోంది.