యూట్యూబ్‌ వ్యూస్‌ లెక్కింపుపై కీలక మార్పు..

యూట్యూబ్‌ వీడియోల వ్యూస్‌ లెక్కింపు విధానంలో కీలక మార్పు చేయనుంది. ఆగస్టు 24 నుంచి అన్ని వీడియో ఫార్మాట్లకు ఒకే విధమైన వ్యూ కౌంటింగ్‌ విధానాన్ని అమలు చేయనున్నట్లు ప్రకటించింది. లాంగ్‌ ఫార్మాట్‌ వీడియోలతో పాటు యూట్యూబ్‌ షార్ట్స్‌కు కూడా ఈ కొత్త విధానం వర్తించనుంది. వీడియో ప్లే అయిన వెంటనే, అంటే తొలి ఫ్రేమ్‌ కనిపించిన క్షణం నుంచే ఒక వ్యూగా పరిగణించనుంది. వ్యూ నమోదు కావడానికి కనీస వాచ్‌టైమ్‌ అవసరం ఉండదు.

ఈ మార్పు వల్ల వీడియోల వ్యూస్‌ వేగంగా పెరిగే అవకాశం ఉందని యూట్యూబ్‌ తెలిపింది. అన్ని వీడియో ఫార్మాట్లలో క్రియేటర్లకు లభించే ఎక్స్‌పోజర్‌ను ఒకే ప్రమాణంతో చూపించడం ద్వారా బ్రాండ్‌ డీల్స్‌లో వారి విలువను మరింత స్పష్టంగా అంచనా వేయడమే ఈ నిర్ణయం ఉద్దేశమని పేర్కొంది. కొత్త విధానం క్రియేటర్లకు తమ కంటెంట్‌ రీచ్‌ను మెరుగ్గా అర్థం చేసుకోవడంలో సహాయపడుతుందని యూట్యూబ్‌ భావిస్తోంది.