బండ్ల గణేశ్‌ కుమార్తె జనని వివాహానికి తరలివచ్చిన టాలీవుడ్‌ ప్రముఖులు...

టాలీవుడ్‌ ప్రముఖ నిర్మాత బండ్ల గణేశ్‌ ఇంట పెళ్లి సందడి నెలకొంది. ఆయన కుమార్తె జనని వివాహం హైదరాబాద్‌లో ఘనంగా జరిగింది. ఈ వేడుకకు టాలీవుడ్‌కు చెందిన పలువురు ప్రముఖులు హాజరై నూతన వధూవరులను ఆశీర్వదించారు. హీరోలు వెంకటేశ్‌, నాగార్జున, చిరంజీవితో పాటు దర్శకులు అనిల్‌ రావిపూడి, బోయపాటి శ్రీను, హాస్యనటులు బ్రహ్మానందం, సునీల్‌ తదితరులు పెళ్లి వేడుకలో పాల్గొన్నారు. ఈ వేడుకకు సంబంధించిన ఫొటోలు, వీడియోలు ప్రస్తుతం సోషల్‌ మీడియాలో వైరల్‌గా మారాయి.

మెగాస్టార్‌ చిరంజీవి సతీసమేతంగా వివాహ వేడుకకు హాజరై నూతన వధూవరులను ఆశీర్వదించారు. సినీ ప్రముఖులతో పాటు రెండు తెలుగు రాష్ట్రాలకు చెందిన పలువురు రాజకీయ నాయకులు కూడా ఈ పెళ్లి వేడుకలో పాల్గొన్నారు. ప్రముఖుల రాకతో బండ్ల గణేశ్‌ కుమార్తె జనని వివాహ వేడుక మరింత సందడిగా మారింది. నూతన జంటకు శుభాకాంక్షలు తెలుపుతూ సినీ అభిమానులు, నెటిజన్లు సోషల్‌ మీడియాలో వివాహ వేడుకకు సంబంధించిన విశేషాలను పంచుకుంటున్నారు.