శ్రీకాకుళం జిల్లా అరసవల్లి సూర్యనారాయణ స్వామిని తాకని సూర్యకిరణాలు..!

శ్రీకాకుళం జిల్లా అరసవల్లి సూర్యనారాయణ స్వామి ఆలయంలో గురువారం సూర్యకిరణాలు స్వామివారి మూలవిరాట్‌ను తాకలేదు. సూర్య భగవానుడి మూలవిరాట్‌ను లేలేత సూర్యకిరణాలు స్పర్శించడం ఆలయంలో ఆనవాయితీగా వస్తోంది. ఉత్తరాయణం, దక్షిణాయనం మార్పుల సమయంలో ఈ అద్భుత దృశ్యం కనిపిస్తుంది. ప్రతి ఏడాది మార్చి 9, 10 తేదీలతో పాటు అక్టోబర్ 1, 2 తేదీల్లో సూర్యకిరణాలు స్వామివారిని తాకుతాయని ఆలయ వర్గాలు తెలిపాయి.

అయితే గురువారం సూర్యకిరణాలు మూలవిరాట్‌ను స్పర్శించకపోవడంతో భక్తులు నిరాశకు గురయ్యారు. శుక్రవారం సూర్యకిరణాలు స్వామివారిని తాకే అవకాశం ఉందని ప్రధాన అర్చకులు ఇప్పిలి శంకరశర్మ తెలిపారు. ఈ నేపథ్యంలో రేపు ఆలయానికి వచ్చే భక్తులు సూర్యకిరణాలు స్వామివారిని స్పర్శించే అరుదైన దృశ్యాన్ని వీక్షించే అవకాశం ఉంది.