సినిమాల్లోకి మల్లారెడ్డి ఎంట్రీ సంకేతాలు...

తెలంగాణ రాజకీయాల్లో తన ప్రత్యేకమైన ప్రసంగాలతో గుర్తింపు పొందిన బీఆర్ఎస్ ఎమ్మెల్యే, మాజీ మంత్రి మల్లారెడ్డి సినిమాల్లోకి రావాలని సంకేతాలు ఇచ్చారు. తన జీవిత కథను ఆధారంగా చేసుకుని ఒక సినిమా తీయాలని, దానిని తానే నిర్మించాలనుకుంటున్నట్లు తెలిపారు. ఆయన వ్యాఖ్యలు రాజకీయ, సినీ వర్గాల్లో చర్చనీయాంశంగా మారాయి.

అలాగే ఉస్తాద్ భగత్ సింగ్ సినిమాలో పవన్ కళ్యాణ్ హీరోగా నటిస్తున్న నేపథ్యంలో, విలన్ పాత్ర కోసం తనను సంప్రదించారని, అయితే తాను తిరస్కరించానని చెప్పారు. విలన్ పాత్రలో హీరో చేతిలో దెబ్బలు తినడం తన విద్యార్థులు, అభిమానుల ముందు సరిగా ఉండదని భావించినట్లు తెలిపారు. త్వరలోనే సినిమాల్లోకి వచ్చి, ముఖ్య పాత్రలో నటిస్తానని పేర్కొన్నారు.