ఎత్తులో ప్రేమ.. చట్టపరమైన చర్యలు

ఒక జంట తమ ప్రేమను వ్యక్తపరచడానికి ప్రమాదకర స్టంట్ చేసి చట్టపరమైన ఇబ్బందుల్లో పడింది. ఎంపైర్ స్టేట్ బిల్డింగ్ పైభాగానికి ఎక్కి న్యూయార్క్ నగరంలో ఎంగేజ్‌మెంట్ చేసుకున్న ఈ జంట వీడియో సోషల్ మీడియాలో వైరల్ అయింది. ఈ ఘటనపై పోలీసులు స్పందించి, భవనం నుంచి దిగిన వెంటనే వారిని అదుపులోకి తీసుకున్నారు.

రష్యాకు చెందిన ఇవాన్, ఏంజెలా నికోలవ్ అనే ఈ జంట సుమారు 443 మీటర్ల ఎత్తుకు ఎక్కి అక్కడే ప్రపోజ్ చేసుకున్నారు. దాదాపు 10 నిమిషాల పాటు అక్కడే ఉండి, శాంతి సందేశంతో కూడిన బ్యానర్‌ను ప్రదర్శించారు. 2024లో విడుదలైన స్కైవాకర్స్ ఎ లవ్ స్టోరీ స్ఫూర్తితో ఈ స్టంట్ చేసినట్లు సమాచారం. అయితే ఈ నిర్లక్ష్య చర్యకు గాను పోలీసులు వారిని అరెస్ట్ చేశారు. ప్రస్తుతం ఈ జంట న్యూజెర్సీలో నివసిస్తోంది.