అమెరికాలో భారత సంతతికి చెందిన టెకీ సోమసేగర్ కన్నుమూత

భారత సంతతికి చెందిన సీనియర్ టెకీ ఎస్. సోమసేగర్ (59) అమెరికాలో ఆకస్మికంగా కన్నుమూశారు. సియాటిల్‌కు చెందిన మద్రోనా వెంచర్ గ్రూప్‌లో మేనేజింగ్ డైరెక్టర్‌గా బాధ్యతలు నిర్వహిస్తున్న ఆయన మరణాన్ని సంస్థ ధృవీకరించింది. ఆయన మృతికి గల కారణాలు తెలియరాలేదు. ఈ వార్త టెక్నాలజీ మరియు పెట్టుబడుల రంగాల్లో తీవ్ర దిగ్భ్రాంతిని కలిగించింది.

పుదుచ్చేరిలో జన్మించిన సోమసేగర్ మైక్రోసాఫ్ట్‌లో దాదాపు మూడు దశాబ్దాల పాటు కీలక పదవుల్లో పనిచేశారు. 2015లో సంస్థను వీడిన తర్వాత మద్రోనా వెంచర్ గ్రూప్‌లో చేరి ప్రపంచవ్యాప్తంగా పలు స్టార్టప్‌లలో పెట్టుబడులు పెట్టారు. మరణానికి కొన్ని గంటల ముందు 2026 సంవత్సరానికి గాను సీడ్ వన్ హండ్రెడ్ (SEED 100) జాబితాలో ఆయన స్థానం సంపాదించారు. టెక్ రంగ ప్రముఖులు, ముఖ్యంగా శ్రీరామ్ కృష్ణన్ సహా పలువురు ఆయనకు నివాళులు అర్పించారు.