ఖమేనీకి తుది వీడ్కోలు.. జనసంద్రంగా మారిన టెహ్రాన్

ఇరాన్ సుప్రీం లీడర్ అయతుల్లా అలీ ఖమేనీకి తుది వీడ్కోలు పలికేందుకు టెహ్రాన్ నగరంలో భారీ సంఖ్యలో ప్రజలు తరలివచ్చారు. అంత్యక్రియల ఊరేగింపు నగరంలోని ప్రధాన రహదారుల గుండా కొనసాగగా, అనంతరం అంతిమ సంస్కారాల కోసం కార్యక్రమాలు నిర్వహించారు. ఈ వేడుకలకు ఇరాన్ అగ్రనేతలు, సైనిక కమాండర్లు, విదేశీ ప్రతినిధులు హాజరయ్యారు.

మిడిల్ ఈస్ట్‌లో కొనసాగుతున్న ఉద్రిక్త పరిస్థితుల నడుమ జరిగిన ఈ కార్యక్రమం కేవలం అంత్యక్రియలకే పరిమితం కాకుండా, ఇరాన్ రాజకీయ ఐక్యతను ప్రపంచానికి చాటిచెప్పే వేదికగా నిలిచింది. ఈ సందర్భంగా ఖమేనీ హత్యకు ప్రతీకారం తీర్చుకోవాలని డిమాండ్ చేస్తూ అమెరికా, ఇజ్రాయెల్‌కు వ్యతిరేకంగా ప్రజలు నినాదాలు చేశారు.