హైదరాబాద్‌లో భారీ రక్షా ఎక్స్‌పో, ఎయిర్‌షో నిర్వహణ

హైదరాబాద్‌లో డిసెంబరు 7 నుంచి 9 వరకు నిర్వహించనున్న ‘ఇన్వెస్ట్‌ తెలంగాణ’ ప్రపంచ సదస్సు సందర్భంగా భారీ స్థాయిలో రక్షా ఎక్స్‌పో ఏర్పాటు చేయనున్నట్లు రాష్ట్ర ప్రభుత్వ ప్రధాన కార్యదర్శి సంజయ్‌ జాజు తెలిపారు. ఈ ప్రదర్శనలో భాగంగా డిసెంబరు 9న ప్రత్యేకంగా ఎయిర్‌షో నిర్వహించనున్నట్లు వెల్లడించారు. రక్షా ఎక్స్‌పో ఏర్పాట్లపై నిర్వహించిన సమీక్షలో ఆయన మాట్లాడుతూ.. రక్షణ, వైమానిక రంగాలకు చెందిన సుమారు 30 శాతం కంపెనీలు హైదరాబాద్‌ కేంద్రంగా కార్యకలాపాలు సాగిస్తున్నాయని పేర్కొన్నారు.

రాష్ట్రంలో రక్షణ, ఏరోస్పేస్‌ రంగాలను మరింత అభివృద్ధి చేయడంతో పాటు, దేశీయ, అంతర్జాతీయ పెట్టుబడులను ఆకర్షించేందుకు రక్షా ఎక్స్‌పో కీలక వేదికగా నిలుస్తుందని సంజయ్‌ జాజు తెలిపారు. ఈ ప్రదర్శనలో పాల్గొనేందుకు జాతీయ, అంతర్జాతీయ రక్షణ సంస్థలు, ఆయుధ తయారీ కంపెనీలు, ఏరోస్పేస్‌ రంగ సంస్థలను ఆహ్వానిస్తున్నట్లు వివరించారు. ఈ కార్యక్రమం ద్వారా హైదరాబాద్‌ రక్షణ, వైమానిక రంగాల కేంద్రంగా తన స్థానాన్ని మరింత బలోపేతం చేసుకునే అవకాశం ఉందని ప్రభుత్వం భావిస్తోంది.