రాష్ట్ర అభివృద్ధిపై ఫుల్ ఫోకస్.. సీఎం విజయ్‌!

తమిళనాడు ముఖ్యమంత్రి విజయ్‌ రోజుకు సుమారు 18 నుంచి 20 గంటల పాటు పనిచేస్తున్నారని మంత్రి ఆధవ్‌ అర్జున తెలిపారు. సీఎం దినచర్య ప్రతిరోజూ ఉదయం 4 గంటలకే ప్రారంభమవుతుందని చెప్పారు. నిద్రలేచిన వెంటనే మంత్రులకు ఫోన్ చేసి వారి శాఖల పనితీరు, తాజా పరిణామాలపై వివరాలు తెలుసుకుంటారని వెల్లడించారు. రాష్ట్ర అభివృద్ధికి సంబంధించిన అంశాలపై విజయ్‌ నిరంతరం దృష్టి సారిస్తున్నారని మంత్రి పేర్కొన్నారు.

విజయ్‌ తన తొలి 100 రోజుల పాలనలో ఆర్థిక అవకతవకలను అరికట్టడం, ప్రభుత్వ వ్యవస్థలో పారదర్శకతను పెంచడంపై ప్రత్యేకంగా దృష్టి పెట్టారని ఆధవ్‌ అర్జున తెలిపారు. ప్రజలకు మెరుగైన పాలన అందించేందుకు పలు చర్యలు చేపట్టారని చెప్పారు. రాష్ట్రాన్ని మరింత అభివృద్ధి చేయడానికి అవసరమైన ప్రణాళికలపై సీఎం నిరంతరం ఆలోచిస్తూ పనిచేస్తున్నారని మంత్రి వివరించారు.