కంగనా బహిరంగ క్షమాపణ చెప్పాలి - సీపీఐ నారాయణ

సీపీఐ జాతీయ కార్యవర్గ సభ్యుడు కె. నారాయణ నటి, బీజేపీ ఎంపీ కంగనా రనౌత్ చేసిన వ్యాఖ్యలను తీవ్రంగా ఖండించారు. జెన్-జెడ్ యువత, మహిళలను ఉద్దేశించి చేసిన వ్యాఖ్యలు ఏమాత్రం సమర్థనీయమైనవి కావని పేర్కొన్నారు. ప్రజా జీవితంలో ఉన్నవారు తమ అభిప్రాయాలను వ్యక్తం చేసే సమయంలో బాధ్యతాయుతంగా, సంయమనంతో వ్యవహరించాలని సూచించారు.

గతంలో ప్రదర్శనకారులపై చేసిన "బొద్దింకలు" వ్యాఖ్యల విషయంలో గౌరవ న్యాయమూర్తి సూర్యకాంత్ సానుకూలంగా స్పందించడం అభినందనీయమని నారాయణ అన్నారు. బాధ కలిగించిన వ్యాఖ్యలను సరిదిద్దుకునే వైఖరి న్యాయవ్యవస్థ ఔన్నత్యాన్ని ప్రతిబింబిస్తుందని పేర్కొన్నారు. కంగనా రనౌత్ తన వ్యాఖ్యలతో మనస్తాపానికి గురైన యువత, మహిళలకు బేషరతుగా బహిరంగ క్షమాపణ చెప్పాలని డిమాండ్ చేశారు.