ప్రధాని మోదీ ఫేస్‌బుక్ వీడియో తాత్కాలికంగా బ్లాక్.. మెటాకు కేంద్రం సమన్లు

ప్రధానమంత్రి నరేంద్ర మోదీ అధికారిక ఫేస్‌బుక్ ఖాతాలో పోస్ట్ చేసిన ఒక వీడియోను మెటా తాత్కాలికంగా బ్లాక్ చేయడంతో కేంద్ర ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖ (MeitY) తీవ్రంగా స్పందించింది. ఈ చర్యకు గల కారణాలపై వివరణ ఇవ్వాలని మెటా ప్రతినిధులను సమన్లు జారీ చేసి వివరణ కోరినట్లు అధికార వర్గాలు తెలిపాయి. విద్యార్థుల నిరసనల నేపథ్యంలో ప్రధాని మోదీ యువతను ఉద్దేశించి పరీక్షల పేపర్ లీకేజీలపై కఠిన చర్యలు తీసుకుంటామని హామీ ఇస్తూ ఈ వీడియోను పంచుకున్నారు.

వివాదం తలెత్తిన అనంతరం మెటా స్పందిస్తూ, వీడియో బ్లాక్ కావడం సాంకేతిక లోపం కారణంగా జరిగిందని తెలిపింది. ఈ ఘటనపై క్షమాపణలు తెలియజేస్తూ వీడియోను తిరిగి ఫేస్‌బుక్‌లో అందుబాటులోకి తీసుకొచ్చినట్లు ప్రకటించింది. పరీక్షల పేపర్ లీకేజీలపై ప్రధాని మోదీ చేసిన సందేశానికి ఇప్పటికే సామాజిక మాధ్యమాల్లో విశేష స్పందన లభించిన నేపథ్యంలో ఈ తాత్కాలిక బ్లాక్ దేశవ్యాప్తంగా చర్చనీయాంశమైంది.