దేశవ్యాప్త ఆందోళనల వేళ.. సీఈసీ జ్ఞానేశ్ కుమార్ ఛత్తీస్‌గఢ్ పర్యటన వాయిదా

సీఈసీ జ్ఞానేశ్ కుమార్ ఛత్తీస్‌గఢ్ పర్యటన వాయిదా పడింది. షెడ్యూల్ ప్రకారం ఆయన ఇవాళ, రేపు ఛత్తీస్‌గఢ్‌లో అధికారిక పర్యటన చేయాల్సి ఉంది. అయితే దేశవ్యాప్తంగా జ్ఞానేశ్ కుమార్‌కు వ్యతిరేకంగా ఆందోళనలు, నిరసనలు కొనసాగుతున్న నేపథ్యంలో ఈ పర్యటనను వాయిదా వేసినట్లు సమాచారం. దీంతో ఆయన అధికారిక పర్యటనలపై ఆసక్తి నెలకొంది.

ఎన్నికల సంఘం పనితీరు, ఎన్నికలకు సంబంధించిన పలు అంశాలపై ప్రతిపక్ష పార్టీలు, వివిధ వర్గాలు విమర్శలు చేస్తూ నిరసనలు చేపడుతున్నాయి. ఈ పరిస్థితుల్లో సీఈసీ ఛత్తీస్‌గఢ్ పర్యటన వాయిదా పడటం రాజకీయంగా ప్రాధాన్యం సంతరించుకుంది. పర్యటనకు కొత్త తేదీలను ఇంకా వెల్లడించాల్సి ఉంది.