ఏపీ వ్యాప్తంగా అరకు కాఫీ విస్తరణ !

మెప్మా మరియు నేటివ్ అరకు కాఫీ సంస్థల మధ్య అవగాహన ఒప్పందం కుదిరింది. ఫ్రాంచైజ్ విధానంలో ఆంధ్రప్రదేశ్ వ్యాప్తంగా అరకు కాఫీ దుకాణాలు ఏర్పాటు చేయాలని నిర్ణయించారు. మహిళలకు ఉపాధి, వ్యాపార అవకాశాలు కల్పించడం ఈ కార్యక్రమం ప్రధాన లక్ష్యంగా తెలిపారు.

ఈ ప్రణాళికలో భాగంగా వచ్చే రెండేళ్లలో ప్రతి జిల్లాలో రెండు అరకు కాఫీ దుకాణాలు ఏర్పాటు చేయనున్నారు. మహిళలు స్వయం ఉపాధి అవకాశాలు పొందడంతో పాటు అరకు కాఫీకి మరింత గుర్తింపు తీసుకురావాలని అధికారులు భావిస్తున్నారు.