ఏపీ విద్యుత్ శాఖలో 629 AEE పోస్టులు.. భారీ నియామకాలకు గ్రీన్ సిగ్నల్

ఆంధ్రప్రదేశ్ ప్రభుత్వం విద్యుత్ రంగంలో భారీ నియామక ప్రక్రియకు శ్రీకారం చుట్టింది. రాష్ట్రంలోని వివిధ విద్యుత్ సంస్థల్లో 629 అసిస్టెంట్ ఎగ్జిక్యూటివ్ ఇంజనీర్ (AEE) పోస్టుల భర్తీకి అనుమతులు మంజూరు చేసింది. యువతకు ఉద్యోగ అవకాశాలు కల్పించడం, విద్యుత్ రంగాన్ని మరింత బలోపేతం చేయడం లక్ష్యంగా ఈ నియామకాలు చేపట్టినట్లు ఇంధన శాఖ మంత్రి గొట్టిపాటి రవి తెలిపారు.

ఈ పోస్టుల్లో APTRANSCOలో 200, APGENCOలో 100, APSPDCLలో 134, APCPDCLలో 60, APEPDCLలో 135 ఖాళీలు ఉన్నాయి. జూన్ 30 నుంచి జూలై 27 వరకు ఆన్‌లైన్ దరఖాస్తులు స్వీకరించనున్నారు. ఈ నియామకాల ద్వారా విద్యుత్ సంస్థల పనితీరు మెరుగుపడి, రాష్ట్రంలో పెరుగుతున్న విద్యుత్ అవసరాలను సమర్థంగా తీర్చవచ్చని మంత్రి తెలిపారు. అర్హత కలిగిన ఇంజినీరింగ్ పట్టభద్రులు ఈ అవకాశాన్ని వినియోగించుకోవాలని సూచించారు.