ఏపీలోని పాఠశాలల్లో ఏఐ హాజరు విధానం

ఆంధ్రప్రదేశ్ విద్యాశాఖ పాఠశాలల్లో హాజరు నమోదుకు కొత్తగా ఏఐ ఆధారిత సాంకేతికతను ప్రవేశపెట్టింది. మంగళగిరి, తాడేపల్లి, విజయవాడలో ప్రయోగాత్మకంగా ప్రారంభమైన ఈ విధానం త్వరలో రాష్ట్రవ్యాప్తంగా అమలు చేయనున్నారు. విద్యార్థుల ముఖాలను ఫేస్ రికగ్నిషన్ ద్వారా గుర్తించి, గ్రూప్ ఫోటో తీసిన వెంటనే ఆటోమేటిక్‌గా హాజరు నమోదు అవుతుంది.

ఈ విధానం వల్ల హాజరు ప్రక్రియలో సమయం ఆదా కావడంతో పాటు ఖచ్చితత్వం, పారదర్శకత పెరుగుతాయని అధికారులు తెలిపారు. పాఠశాల వ్యవస్థను మరింత డిజిటల్‌గా మార్చే దిశగా ఇది కీలక అడుగుగా భావిస్తున్నారు.