న్యూస్
షియోమి చైనాలో తన అప్డేటెడ్ SU7 సెడాన్ను విడుదల చేసింది. ఈ తాజా మోడల్లో భద్రతా వ్యవస్థలు, డ్రైవర్ అసిస్టెన్స్ టెక్నాలజీ, క్యాబిన్ ఫీచర్లు, అలాగే ఛాసిస్ సెటప్లో గణనీయమైన మార్పులు చేశారు. ఈ ఎలక్ట్రిక్ సెడాన్ ధర 219,900 యువాన్ల నుంచి ప్రారంభమవుతుంది, ఇది సుమారు రూ. 29.79 లక్షలుగా ఉంటుంది.
కొత్త SU7 ఎలక్ట్రిక్ కారులో 73 kWh, 96.3 kWh LFP బ్యాటరీ ప్యాక్లతో పాటు 101.7 kWh టెర్నరీ లిథియం బ్యాటరీ ఆప్షన్ కూడా అందుబాటులో ఉంది. వేరియంట్ను బట్టి ఈ కారు CLTC ప్రమాణాల ప్రకారం 720 కి.మీ, 835 కి.మీ, 902 కి.మీ వరకు రేంజ్ ఇస్తుందని కంపెనీ తెలిపింది. ఈ వాహనం 752V నుంచి 897V మధ్య హై-వోల్టేజ్ ఎలక్ట్రికల్ సిస్టమ్పై పనిచేస్తుంది.
ఇంటీరియర్ విషయానికి వస్తే, షియోమి క్యాబిన్ డిజైన్ను ఆధునికంగా తీర్చిదిద్దింది. ఇందులో 16.1 అంగుళాల సెంట్రల్ టచ్స్క్రీన్, 7.1 అంగుళాల రొటేటింగ్ ఇన్స్ట్రుమెంట్ క్లస్టర్, అలాగే హెడ్-అప్ డిస్ప్లే ఉన్నాయి. ఇవన్నీ షియోమి స్మార్ట్ కాక్పిట్ సిస్టమ్తో అనుసంధానమై ఉండి, వాయిస్ కంట్రోల్స్ మరియు మల్టీ-స్క్రీన్ ఇంటరాక్షన్కు పూర్తి మద్దతు ఇస్తాయి.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!