ఏఐ బూమ్‌తో చరిత్ర సృష్టించిన ఎస్‌కే హైనిక్స్

దక్షిణ కొరియా కార్పొరేట్ చరిత్రలో కీలక మలుపుగా, మెమొరీ చిప్ తయారీ దిగ్గజం ఎస్‌కే హైనిక్స్ మార్కెట్ విలువ పరంగా శాంసంగ్ ఎలక్ట్రానిక్స్‌ను అధిగమించింది. ఏఐ రంగంలో పెరుగుతున్న డిమాండ్ కారణంగా హై-బ్యాండ్‌విడ్త్ మెమొరీ (HBM) చిప్‌ల మార్కెట్లో ఎస్‌కే హైనిక్స్ అగ్రస్థానంలో నిలిచింది. ఎన్విడియా, గూగుల్ వంటి టెక్ దిగ్గజాలకు చిప్‌లను సరఫరా చేస్తూ కంపెనీ వేగంగా ఎదిగింది.

ఒకప్పుడు తీవ్ర ఆర్థిక సంక్షోభంలో చిక్కుకుని, అమ్మకానికి వెళ్లే పరిస్థితికి చేరుకున్న ఎస్‌కే హైనిక్స్ నేడు ఫీనిక్స్ పక్షిలా పునరుజ్జీవనం పొందింది. ఎస్‌కే గ్రూప్ ఆధ్వర్యంలో పునర్వ్యవస్థీకరణ అనంతరం కంపెనీ AI బూమ్‌ను సమర్థంగా వినియోగించుకుని ఈ స్థాయికి చేరుకుంది. ప్రస్తుతం అమెరికా నాస్‌డాక్ స్టాక్ ఎక్స్చేంజ్‌లో లిస్టింగ్‌కు కూడా సన్నాహాలు చేస్తున్నట్లు సమాచారం.