మహీంద్రా ట్రాక్టర్ల రేట్ల పెంపు

ముడి వస్తువుల ధరలు పెరగడంతో దేశవ్యాప్తంగా తమ ట్రాక్టర్ల ధరలను పెంచుతున్నట్లు మహీంద్రా ట్రాక్టర్స్ ప్రకటించింది. ప్రాంతాలు, మోడల్స్ ఆధారంగా ధరల పెంపు ఉంటుందని కంపెనీ పేర్కొంది. కొత్త ధరలు ఈ రోజు నుంచి అమల్లోకి రానున్నాయని తెలిపింది. ఈ నిర్ణయం తయారీ ఖర్చులు పెరగడం వల్ల తీసుకున్నదిగా సంస్థ వెల్లడించింది.

ఇదే సమయంలో మహీంద్రా గ్రూప్‌కు చెందిన స్వరాజ్ ట్రాక్టర్స్ కూడా తమ ఉత్పత్తుల ధరలను పెంచుతున్నట్లు ప్రకటించింది. ఈ నెల 21 నుంచి ఈ ధరల పెంపు అమల్లోకి వస్తుందని వివరించింది. వ్యవసాయ యంత్రాల రంగంలో పెరుగుతున్న ఖర్చుల ప్రభావంతో ఈ మార్పులు చోటుచేసుకుంటున్నాయని పరిశ్రమ వర్గాలు చెబుతున్నాయి.