కొండాపూర్‌లో భీమ జువెల్స్‌ కొత్త షోరూమ్‌ ప్రారంభం

భీమ జువెల్స్‌ హైదరాబాద్‌లో తన వ్యాపార విస్తరణను కొనసాగిస్తోంది. తాజాగా కొండాపూర్‌లోని బొటానికల్ గార్డెన్ ఎదురుగా కొత్త షోరూమ్‌ను ప్రారంభించింది. నగరంలో సంస్థకు ఇది ఐదవ షోరూమ్‌గా నిలిచింది. ఈ ప్రారంభోత్సవ కార్యక్రమంలో టాలీవుడ్ నటి సంయుక్త మీనన్‌తో పాటు భీమ జువెల్స్ చైర్మన్ బీ. బిందు మాధవ్, ఎండీ అభిషేక్ బిందు మాధవ్, డైరెక్టర్ సరోజినీ బిందు మాధవ్, ఎమ్మెల్యే అరికెపూడి గాంధీ పాల్గొని లాంఛనంగా ప్రారంభించారు.

ఈ సందర్భంగా చైర్మన్ బీ. బిందు మాధవ్ మాట్లాడుతూ, ప్రస్తుత ఆర్థిక సంవత్సరంలో ఆంధ్రప్రదేశ్ మరియు తెలంగాణ రాష్ట్రాల్లో రూ.400 కోట్ల పెట్టుబడితో మరో నాలుగు షోరూమ్‌లను ప్రారంభించే ప్రణాళికలో ఉన్నట్లు వెల్లడించారు. ఇప్పటివరకు ఈ ప్రాంతంలో సుమారు రూ.1,000 కోట్ల పెట్టుబడులు పెట్టినట్లు ఆయన తెలిపారు. కొత్త షోరూమ్‌లో బంగారం, వజ్రాభరణాల విస్తృత శ్రేణితో పాటు వెండి ఆభరణాలు కూడా వినియోగదారులకు అందుబాటులో ఉంటాయని సంస్థ పేర్కొంది.