హైదరాబాద్‌లో BASF గ్లోబల్ సర్వీస్ హబ్

అంతర్జాతీయ కెమికల్స్ దిగ్గజ సంస్థ BASF హైదరాబాద్‌లో గ్లోబల్ సర్వీస్ హబ్ ఏర్పాటు చేయనుంది. “BASF గ్లోబల్ బిజినెస్ సర్వీసెస్ ప్రైవేట్ లిమిటెడ్” పేరుతో ఈ కేంద్రాన్ని ఏర్పాటు చేయనుండగా, ఫైనాన్స్, హెచ్‌ఆర్ సర్వీసెస్ వంటి విభాగాలకు వ్యూహాత్మక కేంద్రంగా ఇది పనిచేయనుంది. ఈ ప్రాజెక్ట్ ద్వారా సుమారు 3,000 మందికి ఉపాధి అవకాశాలు లభించనున్నాయి.

మంగళవారం హోటల్ తాజ్ కృష్ణలో జరిగిన కార్యక్రమంలో ఈ గ్లోబల్ సర్వీస్ హబ్‌కు సంబంధించిన లెటర్ ఆఫ్ ఇంటెంట్‌ను రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబుకు BASF ప్రతినిధులు అందజేశారు. 160 ఏళ్ల చరిత్ర కలిగిన జర్మనీ సంస్థ BASF, ప్రపంచవ్యాప్తంగా 200 దేశాల్లో వివిధ రంగాల్లో కార్యకలాపాలు నిర్వహిస్తోంది.