టయోటా అభిమానులకు అదిరిపోయే సర్‌ప్రైజ్!

టయోటా తన పాపులర్ ఎంపీవీ ఇన్నోవా హైక్రాస్ ఫేస్‌లిఫ్ట్ మోడల్‌ను ఇండోనేషియాలో అధికారికంగా లాంచ్ చేసింది. అప్‌డేటెడ్ మోడల్ నవంబర్ 26న భారత మార్కెట్లోకి వచ్చే అవకాశం ఉంది. కొత్త ఫీచర్లు, ఆధునిక టెక్నాలజీ అప్‌గ్రేడ్‌లతో ఈ కారును తీసుకురావాలని టయోటా భావిస్తోంది. దీంతో ఇన్నోవా హైక్రాస్ వినియోగదారులకు మరింత మెరుగైన సౌకర్యాలు అందించే అవకాశం ఉంది.

కొత్త ఇన్నోవా హైక్రాస్‌లో 360 డిగ్రీ కెమెరా, 12.3 అంగుళాల డిజిటల్ డిస్‌ప్లే, ఫ్రంట్ అండ్ రియర్ డ్యాష్‌క్యామ్‌లు ఉండనున్నట్లు తెలుస్తోంది. అలాగే ఇన్-కార్ వైఫై హాట్‌స్పాట్, రిమోట్ ఏసీ కంట్రోల్ వంటి కనెక్టెడ్ కార్ ఫీచర్లు కూడా అందుబాటులోకి రానున్నాయి. ఇందులో 186hp పవర్‌ను ఉత్పత్తి చేసే 2.0 లీటర్ హైబ్రిడ్ ఇంజిన్ కొనసాగే అవకాశం ఉంది. ఈ అప్‌డేట్‌లతో ఇన్నోవా హైక్రాస్ మరింత ఆధునికంగా మారనుంది.