‘మైసా’లో బీస్ట్ మోడ్‌లో రష్మిక

రష్మిక మందన్న ప్రధాన పాత్రలో నటిస్తున్న ‘మైసా’ సినిమా నుంచి ఫస్ట్ సింగిల్ ‘ఓ మైసా రే’ ప్రోమో విడుదలైంది. ఈ ప్రోమోలో రష్మిక మునుపెన్నడూ చూడని విధంగా ఉగ్రరూపంలో కనిపించారు. చేతిలో కత్తి పట్టుకుని, చుట్టూ అగ్నిగోళాలు ఉండగా గిరిజన యోధురాలిగా ఆమె ప్రదర్శించిన యాక్షన్ అభిమానులను ఆకట్టుకుంటోంది. బలమైన హావభావాలు, పవర్‌ఫుల్ లుక్‌తో రష్మిక కనిపించిన తీరు సినిమాపై అంచనాలను పెంచుతోంది.

ఈ చిత్రానికి జేక్స్ బిజోయ్ సంగీతం అందిస్తున్నారు. ఆయన అందిస్తున్న మాస్ బీట్‌తో కూడిన సంగీతం పాటకు మరింత ఆకర్షణ తీసుకొస్తుందని ప్రోమో చూస్తే అర్థమవుతోంది. రవీంద్ర పుల్లె ఈ సినిమాకు దర్శకత్వం వహిస్తున్నారు. ఇప్పటికే విడుదలైన ప్రోమోకు మంచి స్పందన వస్తుండగా, పూర్తి పాటను రేపు విడుదల చేయనున్నారు. రష్మిక కొత్త అవతారాన్ని పూర్తి పాటలో చూడాలని అభిమానులు ఆసక్తిగా ఎదురుచూస్తున్నారు.