క్రోమ్‌లో భారీ భద్రతా లోపాల పరిష్కారం

ప్రపంచవ్యాప్తంగా విస్తృతంగా ఉపయోగించే జాల విహారిణి క్రోమ్‌కు గూగుల్ భారీ భద్రతా నవీకరణను విడుదల చేసింది. విండోస్, మాక్, లైనక్స్ వ్యవస్థల కోసం విడుదలైన క్రోమ్ 148 సంచికలో మొత్తం 127 భద్రతా లోపాలను సరిచేశారు. వీటిలో మూడు అత్యంత ప్రమాదకరమైన లోపాలుగా గుర్తించగా, మరికొన్ని అధిక ప్రమాద స్థాయిలో ఉన్నట్లు గూగుల్ వెల్లడించింది.

ఈ లోపాల ద్వారా దుండగులు హానికరమైన జాలపుటాల సహాయంతో వినియోగదారుల వ్యవస్థల్లోకి చొరబడే అవకాశం ఉన్నట్లు నిపుణులు హెచ్చరించారు. భద్రతా లోపాలను గుర్తించిన పరిశోధకులకు గూగుల్ లక్షల రూపాయల బహుమతులు ప్రకటించింది. వినియోగదారులు తమ క్రోమ్ విహారిణిని వెంటనే తాజా సంచికకు నవీకరించుకోవాలని సూచించింది. తదుపరి స్థిర సంచిక జూన్ 2, 2026న విడుదల కానుంది.