ఏఐ ఫీచర్లతో గూగుల్ ఫైనాన్స్ యాప్..

గూగుల్ ఆండ్రాయిడ్ వినియోగదారుల కోసం కొత్త గూగుల్ ఫైనాన్స్ యాప్‌ను అధికారికంగా విడుదల చేసింది. ఈ యాప్ ద్వారా పెట్టుబడులను ట్రాక్ చేయడం, రియల్‌టైమ్ మార్కెట్ డేటాను పరిశీలించడం, వ్యక్తిగత వాచ్‌లిస్టులను నిర్వహించడం, అలాగే ఏఐ ఆధారిత ఆర్థిక విశ్లేషణలను పొందడం సాధ్యమవుతుంది. ముఖ్యంగా ‘కీ మొమెంట్స్’ ఫీచర్ ద్వారా షేర్ ధరల్లో చోటుచేసుకునే కీలక మార్పులకు ఏఐ వివరణలను అందిస్తుంది.

అదే సమయంలో గూగుల్ ఫైనాన్స్ వెబ్ ప్లాట్‌ఫారమ్‌ను కూడా కొత్త పోర్ట్‌ఫోలియో మేనేజ్‌మెంట్ టూల్స్‌తో అప్‌గ్రేడ్ చేసింది. వినియోగదారులు తమ పెట్టుబడులను ఒకే డ్యాష్‌బోర్డ్‌లో నిర్వహించడంతో పాటు CSV, PDF లేదా స్క్రీన్‌షాట్‌ల ద్వారా పోర్ట్‌ఫోలియోను జోడించవచ్చు. ఏఐ ఆధారిత మార్కెట్ బ్రీఫింగ్స్ కూడా కస్టమ్ షెడ్యూల్ ప్రకారం అందుబాటులో ఉంటాయి. ప్రస్తుతం ఈ ఫీచర్లు ప్రపంచవ్యాప్తంగా విడుదల అవుతుండగా, ఐఓఎస్ యాప్ ఈ ఏడాది చివర్లో అందుబాటులోకి రానుంది.