ఆగ్నేయ బంగాళాఖాతంలో వాయుగుండం..

ఆగ్నేయ బంగాళాఖాతంలో వాయుగుండం ఏర్పడటంతో కోస్తా తీర ప్రాంతాలకు తుఫాన్ ముప్పు పొంచి ఉంది. రాగల 24 గంటల్లో ఈ వాయుగుండం తుఫాన్‌గా బలపడే అవకాశం ఉందని భారత వాతావరణ శాఖ (IMD) అంచనా వేస్తోంది. మంగళవారం నాటికి ఇది తీవ్ర తుఫాన్‌గా మారే సూచనలు ఉన్నాయని హెచ్చరించింది. దీంతో తీర ప్రాంత ప్రజలు అప్రమత్తంగా ఉండాల్సిన పరిస్థితి నెలకొంది.

ఈ తీవ్ర తుఫాన్ ఉత్తర కోస్తా ఆంధ్రప్రదేశ్ తీరంలో తీరం దాటే అవకాశం ఉందని వాతావరణ శాఖ అంచనా వేస్తోంది. ఈ నేపథ్యంలో మత్స్యకారులు సముద్రంలోకి వెళ్లవద్దని, ఇప్పటికే సముద్రంలో ఉన్నవారు ఈరోజు సాయంత్రంలోగా తీరానికి చేరుకోవాలని ఐఎండీ హెచ్చరించింది. తుఫాన్ తీవ్రత పెరిగే అవకాశం ఉన్నందున మత్స్యకారులు వాతావరణ శాఖ సూచనలను తప్పనిసరిగా పాటించాలని అధికారులు సూచిస్తున్నారు.