వన్డే జట్టులో అభిషేక్ శర్మకు చోటివ్వాలి.. యువరాజ్ సింగ్ కీలక వ్యాఖ్యలు

భారత క్రికెట్ జట్టులో ప్రతిభావంతులైన యువ ఆటగాళ్లకు మరిన్ని అవకాశాలు కల్పించాలని మాజీ క్రికెటర్ యువరాజ్ సింగ్ అభిప్రాయపడ్డారు. ముఖ్యంగా అభిషేక్ శర్మను వన్డే జట్టులో చూడాలని ఉందని ఆయన పేర్కొన్నారు. యువ ఆటగాళ్ల ప్రతిభను సరైన రీతిలో ఉపయోగించుకోవాలంటే వారికి 50 ఓవర్ల ఫార్మాట్‌లోనూ అవకాశాలు ఇవ్వాలని సూచించారు.

ఇషాన్ కిషన్, అభిషేక్ శర్మ, వైభవ్ సూర్యవంశీ వంటి ప్రతిభావంతులైన ఆటగాళ్లను వన్డే క్రికెట్‌కు ఎంపిక చేయకపోతే వారి ప్రతిభకు న్యాయం చేసినట్లు కాదని యువరాజ్ సింగ్ అభిప్రాయపడ్డారు. ఈ విషయాన్ని గతంలోనూ తాను ప్రస్తావించానని గుర్తుచేశారు. యువ ఆటగాళ్లకు సరైన అవకాశాలు కల్పించడం ద్వారా భారత క్రికెట్ భవిష్యత్తును మరింత బలోపేతం చేయవచ్చని ఆయన వ్యాఖ్యలు సూచిస్తున్నాయి.